Novas – Página 2 – SEGATUR® // Turismo Activo

PR-G 152 Ruta dos Muíños

A ruta dos Muíños que une Cabo de Vila con A Laxe, foi sinalizada en 2011 en Abadín, e vai ó longo dun fermoso percorrido no que visitaremos os muíños do rego de Rodeiro e pasaremos xunto ó río Anllo.
Neste trazado de menos de cinco quilómetros poderemos observar o muíño de Cabo de Vila, o muíño Pequeno Escaravello (Foxacos), o muíño da Fraga, o de Trasón, o do Mazo (A Vesada) e o moderno muíño fabril de Corvite, que data de inicios do século XX.
Esta ruta pertence á interesante Rede de Sendeiros da Terra Chá. A dificultade do percorrido é baixa.
Máis info aquí.

15 febrero4 agosto

PR-G 153 Augas de Fomiñá

Fonmiñá - A Pastoriza — Fonmiñá – A Pastoriza

O percorrido PR-G 153 Augas de Fomiñá, sinalizado en 2011 na Pastoriza (Lugo), forma parte dunha rede de percorridos na Terra Chá.
Neste sendeiros camiñaremos xunto ó río Miño, nun variado percorrido que une as áreas recreativas de Fomiñá e de Baltar.
Zonas húmidas, natureza e auga acompáñannos nesta andaina na que poderemos ver a fermosa contorna, transitar polas pasarelas e visitar Fomiñá, a fonte principal do nacemento do Miño. Tamén gozaremos do interesante Castro de Sa, a ponte vella de Miñoto e a tranquila praia fluvial e área recreativa de Baltar. A dificultade do percorrido é baixa.
Maís info aquí.

1 febrero3 agosto

PR-G 154 Ruta do Azúmara

O percorrido PR-G 154 Ruta do Azúmara, sinalizado en 2011 en Castro de Rei, forma parte dunha rede de percorridos na Terra Chá.

O inicio do percorrido non pode ser mellor: o magnífico Castro de Viladonga.

A dificultade do percorrido é baixa.

23 enero

Deputación de Pontevedra – Subvencións de Turismo 2023

23/01/2023

Deputación de Pontevedra – Subvencións de Turismo 2023

A Deputación de Pontevedra convoca “Subvencións a entidades para actividades de carácter turístico 2023” e tamén “Subvencións para os custos dos servizos de información turística nos concellos”

Máis información nestes enlaces:

https://boppo.depo.gal/web/boppo/detalle/-/boppo/2023/01/23/2023004614

https://boppo.depo.gal/web/boppo/detalle/-/boppo/2023/01/23/2023004615

23 enero16 enero

PR-G 238 Ruta dos Petróglifos de Teo. Traballos de mantemento – Concello de Teo

Sinais despois de limpar e pintar os seus parafusos. Tratamento da madeira con lasur.

SEGATUR realizou en 2022 traballos de mantemento da PR-G 238 Ruta dos Petróglifos de Teo no Concello de Teo.

Colocáronse novos sinais e substituíronse aqueles que estaban en peores condicións. Fíxose unha nova colocación de elementos «vandalizados» e tamén unha limpeza e tratamento das fechas e paneis.

Foi unha actuación parcial nalgúns elementos que precisaban dunha reparación urxente.

Na imaxe, unhas frechas con pintadas e sucias, e logo da súa mellora.

15 enero3 agosto

PR-G 155 Ruta Miradoiro da Terra Chá

O percorrido PR-G 155 Miradoiro da Terra Chá, sinalizado en 2011 en Outeiro de Rei, forma parte dunha rede de percorridos na Terra Chá.

O inicio do percorrido é na Feira e remata na igrexa de Francos. Ten uns 11 quilómetros de extensión, aínda que pode ser circulado enlazando o inicio e o fin ao longo dunha pista, cun percorrido adicional de 2 km. Estes poden facerse en pouco máis de 20 minutos.

Todo o camiño quedou impecablemente sinalizado en 2011 e era difícil se perder. Consulten sobre o seu mantemento no Concello. A dificultade do percorrido é baixa.

1 diciembre3 agosto

PR-G 157 Roteiro Augas Mestas – Doade

Atopámonos no territorio da D.O. Ribeira Sacra, na bisbarra de Terra de Lemos, nun dos sendeiros máis espectaculares pero tamén máis longos e esixentes de Galicia.

Unha senda marcada en 2011 moi dura e de fermosas paisaxes.

Os seus 27 km, os desniveis e as gradas requiren unha boa condición física, sen esquecer a planificación do percorrido, do avituallamento, dos horarios e do transporte de regreso.
PR-G 157 Roteiro Augas Mestas – Doade

15 noviembre3 agosto

PR-G 162 Ruta da Ribeira Sacra do Miño

Hoxe presentamos unha senda marcada en 2013, moi dura, pero indubidablemente fermosa.

O percorrido permítenos coñecer a Ribeira Sacra seguindo a conca do río Miño dende San Estevo de Ribas de Minho (O Saviñao) ata o lugar de Cima de Atán (Pantón).

Apreciaremos paisaxes que nos deixarán sen palabras, aldeas solitarias como Bexán, A Pena, Millarada ou Marce rodeados de viñedos da D.O. Ribeira Sacra e soutos de castiñeiros centenarios. Os templos románicos de San Estevo de Ribas de Minho, San Paio de Diomondi e San Martiño da Cova, así como as ermidas e castelos encherán este espazo de contido histórico e artístico.

1 noviembre3 agosto

PR-G 175 Ruta do Monte de San Xusto

O Valiño - Pontedeva — O Valiño – Pontedeva

Hoxe presentamos unha senda marcada en 2014, con fermosas vistas sobre o Miño.
Este carreiro mostra a exuberante natureza que rodea o río Deva e permite fermosas vistas sobre o río Miño. Ao ser un roteiro circular pódese iniciar en varios puntos, como a área de autocaravanas de O Valiño ou A Ponte Ballote, sendo aconsellable este último emprazamento xa que conecta tamén co roteiro PR-G 176. Visita a impresionante e medieval (ou romana ? ) Ponte Trado.
Recomendamos contactar co Concello de Pontedeva antes de visitala para garantir que a ruta está transitable, xa que trascorre por algunhas zonas de repoboacións e poden existir traballos silvícolas.

26 octubre15 noviembre

PR-G 98 Canón do Sil – Santa Cristina. Traballos de mantemento – Concello de Parada de Sil

SEGATUR realizou traballos de mantemento da Ruta do Canón do Sil – Santa Cristina no Concello de Parada de Sil.

Colocáronse novos sinais e substituíronse aqueles que estaban en peores condicións. No ano 2016 fixemos un mantemento integral e en 2022 foi unha actuación parcial en certos elementos que precisaban unha reparación urxente.

Na imaxe, un novo poste e frecha de madeira gravada e pintada.