PR-G 198 RUTA DO MALURO E PENA TREVINCA

PR-G 198 – RUTA DO MALURO E PENA TREVINCA
Sendeiro de montaña

Ano Homologación: 2016
Punto de partida/chegada: Vilanova (Concello da Veiga).
Lugar: Concello da Veiga (Ourense)
Servizos: en Vilanova e na Veiga.
Accesos: Dende a Rúa ou dende a Gudiña pola OU-533 ata o Alto do Covelo. Desviarse en dirección á Veiga, proseguir ata Xares e continuar ata Vilanova.
Puntos de interese: Vilanova, Maluro, Poula de Campo Raso, Lombo do Rocín, Pena Trevinca, Pena Negra, Val de Meladas, minas dos alemás.
Máis información: Concello da Veiga.
Telf.: 988 35 00 00
www.aveiga.gal
Web turismo Concello da Veiga
www.aveiga.gal
IMPORTANTE: Atención: sendeiro de montaña
Mida ben as súas forzas e calcule o tempo necesario para regresar con seguridade.
Web da Comisión Europea: politica de desarrollo rural e FEADER


RECOMENDACIÓNS PARA A RUTA

  • IMPORTANTE: Sendeiro de montaña. Preste moita atención e non se confíe. A ruta está a cotas superiores a 1000 metros e a climatoloxía pode mudar facilmente. Mida ben as súas forzas e calcule o tempo necesario para regresar.

  • É conveniente ir sempre en grupo.

  • Leve de volta tódolos seus refugallos e deposíteos sempre en contedores de recollida selectiva nas poboacións e vilas próximas.

  • Se atopa un valado ou un pechado para animais, por favor, déixeo aberto ou pechado tal como o atopou.

  • Sega os camiños sinalizados evitando pisar noutros sitios ou erosionar outros terreos co seu paso.

  • A natureza ten os seus perigos: por favor utilice o sentido común e sexa precavido.

CONSELLOS NA NATUREZA

  • Non atrape nin moleste aos animais, nin arrinque plantas, pois pode poñer en perigo especies únicas ameazadas así coma outras especies que dependan delas.

  • Non introduza ou estenda especies foráneas ou exóticas: poden ser moi prexudiciais para a contorna e para as especies autóctonas.

  • Evite facer ruído para non espantar aos animais ou molestar a outros visitantes. Se leva mascotas procure que non molesten a outros visitantes, aos animais salvaxes nin ao gando.

  • O lume destrúe moitos anos de vida e de paisaxe. Non prenda lume nin tire cabichas. Procure levar comida fría ou xa preparada.

  • Cando xere lixo, por favor léveo con vostede ata unha zona de recollida selectiva.

  • Non acampe por libre. Utilice os lugares apropiados para acampar.

  • Non acceda con vehículos fóra das estradas e pistas habilitadas para a circulación.

  • Aparque só nas zonas autorizadas e procure non estorbar o paso doutros vehículos.

  • A colaboración de todos é imprescindible para a conservación deste espazo. Goce da natureza con moito respecto e volva a descubrir esta contorna noutras épocas do ano.

DATOS DESCARGA LIBRE

Este sendeiro de montaña permite achegarse dende Vilanova case ata os cumios do Maluro, Pena Negra ou Pena Trevinca. É unha ruta de altura, que tanto no verán coma no inverno é atractiva, longa e fermosa, pero sempre esixente. Goza de paisaxes únicas que parecen constantes dende o distante pasado, pero que agachan moitos cambios e moita máis historia da que podemos intuír: antigos glaciares, paisaxes pastorís humanizadas, historias de volframio, de guerras e de fuxidos…

Camiños peiteados polo vento, unha e mil veces, que guían aos montañeiros e que protexen algunha vexetación escasa e en perigo de desaparecer. Axudemos á difusión e á conservación deste marabilloso espazo, coñecéndoo e respectándoo.