PR-G 256 RUTA ‘PER CAMINHO DE LAMPAI’

DATOS DESCARGA LIBRE

Wikiloc Turismo de Teo – Ruta ‘Per Caminho de Lampai’
Track kml – kmz
Track gpx
Ruta Teo – Mapa elaborado por SEGATUR
Folleto pdf (baixa calidade web)

Datos:

Distancia: 4.45 km
Tipo de percorrido: ida e volta. Trazado principal tipo «piruleta» – Variante con acceso a miradoiro.
Desnivel de subida e baixada: 200 m no trazado principal
Tempo estimado: 1h no trazado principal
MIDE: 1,2,2,2.

Acceso:

Ano Sinalización:	2023
Ano Homologación:	2023
Punto de partida/chegada:	A Agrela – Lampai (Concello de Teo).
Lugar:	Concello de Teo (A Coruña)
Servizos:	en todo o Concello de Teo.
Accesos:	Acceso pola CP-6502 (A Agrela)
Puntos de interese:	Capela de Santa Ana, fonte, muíños, bosque de ribeira do rego de Tarrío, Marco do Porto Lampai (1156), miradoiro da Pena da Agrela.
Máis información:	Concello de Teo Telf.: 981 815 700 www.teo.gal

Ruta Per Caminho de Lampai

Camiño tradicional que, partindo da capela de Santa Ana (Agrela), bordea a fonte da Grela (datada no 1868) e discorre fundamentalmente paralelo ao Rego do Tarrío.

Máis datos na web do Concello de Teo neste enlace.

Capela de Santa Ana

Na parte alta da aldea da Agrela (Lampai) e nun recuncho da antiga carballeira na aba do monte, atópase esta pequena ermida de planta rectangular feita a base de perpiaños.

Máis datos na web do Concello de Teo neste enlace.

Marco do Porto Lampai

As primeiras letras teenses.

No ano de 1156, o Emperador Afonso VII e boa parte da aristocracia e da Igrexa da Coroa de Castela realiza unha sorprendente doazón dun enorme terreo a un descoñecido plebeo, sen título, de nome Sancho Eanes.
Aparentemente pódese ler neste marco sobre as súas tres caras esculpidas o seguinte texto: «Era MCXCIV et quotum I kalendas septemberis cum auctoritatem imperatoris et omnibus intervinientibus patronim statuit«.
A súa tradución sería: «No ano de 1156, no primeiro día das calendas de setembro, coa autoridade do Emperador e de tódolos asistentes poño este pedrón».
Segundo a documentación atopada posteriormente en Santiago, o plebeo foi un descoñecido Sancho Eanes, a quen o Emperador Alfonso VII (1105-1157) cede este terreo probablemente en recompensa dalgún importante favor ou servizo.

Máis datos na web do Concello de Teo neste enlace.

Máis información neste enlace. As primeiras letras teenses – Colectivo a Rula

Miradoiro da Pena da Agrela

Con 410 metros de altitude a Pena da Agrela é o teito natural de Teo. O alto, conformado por penas e monte baixo conforma un miradoiro natural.

Unha vista impresionante que pola súa situación, recomendamos visitar á tardiña, no lusco e fusco.

Máis datos na web do Concello de Teo neste enlace.

RECOMENDACIÓNS PARA A RUTA

É conveniente ir sempre en grupo. Esta ruta é mellor realizala nun día claro no amencer ou pola tarde (no abrente ou no solpor), e levar lanternas para alumear os petróglifos de forma tanxencial e apreciar as súas formas sen tocalos.
Leve de volta tódolos seus refugallos e deposíteos sempre en contedores de recollida selectiva nas poboacións e vilas próximas.
Se atopa un valado ou un pechado para animais, por favor, déixeo aberto ou pechado tal como o atopou.
Sega os camiños sinalizados evitando pisar noutros sitios ou erosionar outros terreos co seu paso.
A natureza ten os seus perigos: por favor utilice o sentido común e sexa precavido.

CONSELLOS NA NATUREZA

Non atrape nin moleste aos animais, nin arrinque plantas, pois pode poñer en perigo especies únicas ameazadas así coma outras especies que dependan delas.
Non introduza ou estenda especies foráneas ou exóticas: poden ser moi prexudiciais para a contorna e para as especies autóctonas.
Evite facer ruído para non espantar aos animais ou molestar a outros visitantes. Se leva mascotas procure que non molesten a outros visitantes, aos animais salvaxes nin ao gando.
O lume destrúe moitos anos de vida e de paisaxe. Non prenda lume nin tire cabichas. Procure levar comida fría ou xa preparada.
Cando xere lixo, por favor léveo con vostede ata unha zona de recollida selectiva.
Non acampe por libre. Utilice os lugares apropiados para acampar.
Non acceda con vehículos fóra das estradas e pistas habilitadas para a circulación.
Aparque só nas zonas autorizadas e procure non estorbar o paso doutros vehículos.
A colaboración de todos é imprescindible para a conservación deste espazo. Goce da natureza con moito respecto e volva a descubrir esta contorna noutras épocas do ano.

Nota legal: Esta páxina ten ligazóns a outras webs externas que informan sobre os elementos da ruta. Os contidos de cada web externa, así coma os seus dereitos de autor, son atribuídos a cadanseu responsable, sen atribución ningunha a esta páxina ou ao Concello de Teo. SEGATUR non obtén directa nin inderectamente réditos, ingresos ou beneficios económicos de ningún tipo con estes enlaces e só acode a eles (de forma gratuíta e atribuíndo a súa autoría) para facilitar a interpretación dos elementos existentes na ruta polos visitantes da mesma.