PR-G 211 SENDA VERDE DO XARES

PR-G 211 – SENDA VERDE DO XARES

Ano Homologación: 2017
Punto de partida/chegada: A Veiga / Praia dos Franceses (ambas no Concello da Veiga).
Lugar: Concello da Veiga (Ourense)
Servizos: na Veiga.
Accesos: A Veiga
Puntos de interese: A Veiga, área recreativa e praia do Coiñedo, Casdenodres, Castromarigo, Candeda, Prada, presa do Encoro de Prada, Santa Cristina, Carracedo, As Chairas e praia dos Franceses.
Máis información: Concello da Veiga.
Telf.: 988 35 00 00
www.aveiga.gal
Web turismo Concello da Veiga
www.aveiga.gal
IMPORTANTE: Atención: a ruta completa ten máis de 33 km.
Mida ben as súas forzas e calcule o tempo necesario para facela toda.
Web da Comisión Europea: politica de desarrollo rural e FEADER


RECOMENDACIÓNS PARA A RUTA

  • IMPORTANTE: Preste moita atención e non se confíe. A ruta completa ten máis de 33 km. Mida ben as súas forzas e calcule o tempo necesario para facela toda.

  • É conveniente ir sempre en grupo.

  • Leve de volta tódolos seus refugallos e deposíteos sempre en contedores de recollida selectiva nas poboacións e vilas próximas.

  • Se atopa un valado ou un pechado para animais, por favor, déixeo aberto ou pechado tal como o atopou.

  • Todo o percorrido é transitable con bicicleta de montaña. Procure ser amable e ceda o paso aos camiñantes. Evite conducir agresivamente.

  • Sega os camiños sinalizados evitando pisar campos sementados ou erosionar outros terreos co seu paso.

  • A natureza ten os seus perigos: por favor utilice o sentido común e sexa precavido.

CONSELLOS NA NATUREZA

  • Non atrape nin moleste aos animais, nin arrinque plantas, pois pode poñer en perigo especies únicas ameazadas así coma outras especies que dependan delas.

  • Non introduza ou estenda especies foráneas ou exóticas: poden ser moi prexudiciais para a contorna e para as especies autóctonas.

  • Evite facer ruído para non espantar aos animais ou molestar a outros visitantes. Se leva mascotas procure que non molesten a outros visitantes, aos animais salvaxes nin ao gando.

  • O lume destrúe moitos anos de vida e de paisaxe. Non prenda lume nin tire cabichas. Procure levar comida fría ou xa preparada.

  • Cando xere lixo, por favor léveo con vostede ata unha zona de recollida selectiva.

  • Non acampe por libre. Utilice os lugares apropiados para acampar.

  • Non acceda con vehículos fóra das estradas e pistas habilitadas para a circulación.

  • Aparque só nas zonas autorizadas e procure non estorbar o paso doutros vehículos.

  • A colaboración de todos é imprescindible para a conservación deste espazo. Goce da natureza con moito respecto e volva a descubrir esta contorna noutras épocas do ano.

DATOS DESCARGA LIBRE

A Senda Verde do Xares é unha ruta case circular arredor do Encoro de Prada. Dende a Veiga iniciamos o percorrido pola beira dereita do río Xares ata a represa de Prada (pasando por Casdenodres, Castromarigo e Candeda), para logo volver pola marxe esquerda (achegándonos ata as proximidades de Corexido e de Vilaboa, e cruzando Santa Cristina e Carracedo) ata a coñecida coma a Praia dos Franceses. Esta ruta permite gozar das paisaxes naturais creadas a partir dunha importante modificación do medio feita polo home: a creación do encalco de Prada no ano 1958 e o conseguinte asolagamento do fondo do val do río Xares. A creación desta permanente contorna húmida, cun microclima propio, condiciona a identidade do propio val, xerando moitas veces unhas néboas matinais que abranguen dende as proximidades da capital do concello, na poboación da Veiga, ata as terras por baixo do lugar de Prada.

A ruta é sinxela e carece de fortes desniveis. Incluso está preparada para transitar facilmente con bicicleta de montaña, incluíndo uns tramos alternativos por asfalto. A súa dificultade pode radicar na lonxitude da mesma, pero hai múltiples alternativas para acurtar os treitos e poder facela en varias etapas, mediante os accesos por camiños e pistas a varias aldeas e estradas dende o percorrido que circunda a presa.

O percorrido para bicicleta está marcado neste sentido, pero o ciclista debe circular con precaución, xa que a ruta é de uso compartido: hai tramos de estrada, zonas con presenza de animais domesticados e outras con animais salvaxes e, por suposto, o camiño é utilizado por veciños e sendeiristas. Por favor, sexa prudente e respectuoso, sempre cedendo o paso ao resto dos usuarios.