Homologado o sendeiro PR-G 271 Ruta da Santa Compaña, en Valdeorras

Río Sil
Río Sil dende o PR-G 271

Concellos de Vilamartín e do Barco en Valdeorras.

PR-G 271 Ruta da Santa Compaña

Esta ruta foi revisada na segunda quincena de outubro de 2023 e validada por un técnico de sendeiros elixido pola FGM e con funcións de técnico homologador delegado. A Federación Galega de Montañismo emitiu o correspondente certificado de homologación refrendado pola Presidenta da FGM o día 24/10/2023.

A continuación, no próximo mes de novembro, gran parte da senda será usada parcialmente para unha andaina oficial por montaña da FGM.

Agardemos que cada vez máis sendeiristas, montañeiros e turistas coñezan este interante e fermoso sendeiro Valdeorrés, que sorprende polas súas paisaxes, historia e lendas.

Tendes máis datos neste enlace:
https://segatur.es/sendeiros/ourense/prg271/

Homologado o sendeiro PR-G 256 Ruta «Per Caminho de Lampai»

Marco Porto Lampai
Marco Porto Lampai

Concello de Teo.

Ruta «Per Caminho de Lampai»

Esta pequena ruta foi revisada a primeiros de agosto e validada por un técnico de sendeiros elixido pola FGM e con funcións de técnico homologador delegado. A Federación Galega de Montañismo emitiu o correspondente certificado de homologación refrendado pola Presidenta da FGM o día 20/08/2023.

Xa, no inmediato mes de setembro parte da senda foi usada parcialmente para unha carreira por montaña oficial da FGM.

Agardemos que cada vez máis sendeiristas, montañeiros e turistas coñezan este pequeno sendeiro teense tan próximo a Padrón e a Santiago, e que sorprende con tanta historia medieval nas súas pedras.

Tendes máis datos neste enlace:
https://segatur.es/sendeiros/coruna/prg256/

PR-G 271 Ruta da Santa Compaña

Concellos de Vilamartín e do Barco (de Valdeorras).

Ruta da Santa Compaña.

Seguindo uns camiños tradicionais, imos percorrer un territorio dacabalo dos Concellos de Vilamartín e do Barco de Valdeorras. Un percorrido con fermosísimas vistas e que contén elementos patrimoniais de gran importancia.

A ruta toma o seu nome da Santa Compaña, seguindo a liña de lendas que inauguramos coa Loba da Fada.

O trazado principal discorre dende Arnado, coa súa illada igrexa de San Clemente e co Castelo de Torre Penelas. Achégase ata Correxais, con magníficas vistas do val do Sil e a importante igrexa de San Pedro de Correxais e restos do Convento dos Trinitarios. Logo a senda achégase ata a aldea de Fervenza, coa súa capela, forno e lavadoiro. Descendendo polo val do río de Fervenza achamos a Pincheira de Portomao, e tras gozar dunha paisaxe de viñedos volveremos ata o punto de saída.

Tendes máis datos neste enlace:
https://segatur.es/sendeiros/ourense/prg271/

PR-G 256 Ruta «Per Caminho de Lampai»

Marco Porto Lampai
Marco Porto Lampai

Concello de Teo.

Ruta «Per Caminho de Lampai»

Camiño tradicional que, partindo da capela de Santa Ana (Agrela), bordea a fonte da Grela (datada no 1868) e discorre fundamentalmente paralelo ao Rego do Tarrío. Permite coñecer a historia medieval de Teo.

O nome da ruta extraémolo dun verso dunha cantiga de amor do trobador compostelán Joán Airas, onde amosa a súa desesperanza pola marcha da muller amada cara Portugal, por un camiño medieval que atravesaba o Concello de Teo de norte a sur, subindo cara a Lampai en dirección a Padrón.

O trazado principal discorre a carón dun bosque de ribeira onde se atopan varios muíños e chega ao Marco Porto de Lampai, un bloque granítico con escritos medievais gravados datado no 1156 que na actualidade marca o linde entre Teo e Padrón.

A ruta conta cunha variante que sube ao Miradoiro da Pena da Agrela, teito natural do Concello de Teo con 410 m.s.n.m. con impresionantes vistas, especialmente á desembocadura do Ulla e ría de Arousa (existe no cumio un panel panorámico interpretativo).

Tendes máis datos neste enlace:
https://segatur.es/sendeiros/coruna/prg256/

PR-G 148 Ruta do Mar de Corme e Ribeira do Anllóns

Praias de Corme
Praias de Corme

Ruta pola beira do mar, sinalizada en 2012, con impresionantes vistas e rodeada de cultura, patrimonio, historia, natureza, etc. O visitante, a máis de levar prismáticos para observar aves e cetaceos, debe ter lido antes sobre Pondal, sobre o Cruceiro da Pedra da Serpe en Gondomil ou sobre a II Guerra Mundial e o periao de Balarés.
En definitiva, unha senda que mostra moito máis do que ves cos ollos!

Máis info aquí.

PR-G 151 Ruta das Lagoas

Lagoa de Cospeito
Lagoa de Cospeito

Esta ruta no Concello de Cospeito, sinalizada en 2011, permite coñecer unha das sendas máis longas da Rede de Sendeiros da Terra Chá, así como a ben afamada Lagoa de Cospeito que é unha das zonas húmidas máis importantes de Galicia.

O sendeiro que une o Centro de Interpretación da Lagoa na Feira do Monte e a Igrexa de San Martiño de Lamas, é fácil de realizar andando ou en bicicleta debido ó seu lene percorrido. Por iso é ideal para iniciarse no sendeirismo nestas terras lucenses.

Esta ruta pertence á interesante Rede de Sendeiros da Terra Chá. A dificultade do percorrido é baixa.

Máis info aquí.

PR-G 152 Ruta dos Muíños

Muíño - Abadín
Muíño – Abadín

A ruta dos Muíños que une Cabo de Vila con A Laxe, foi sinalizada en 2011 en Abadín, e vai ó longo dun fermoso percorrido no que visitaremos os muíños do rego de Rodeiro e pasaremos xunto ó río Anllo.
Neste trazado de menos de cinco quilómetros poderemos observar o muíño de Cabo de Vila, o muíño Pequeno Escaravello (Foxacos), o muíño da Fraga, o de Trasón, o do Mazo (A Vesada) e o moderno muíño fabril de Corvite, que data de inicios do século XX.
Esta ruta pertence á interesante Rede de Sendeiros da Terra Chá. A dificultade do percorrido é baixa.
Máis info aquí.

PR-G 153 Augas de Fomiñá

Fonmiñá - A Pastoriza
Fonmiñá – A Pastoriza

O percorrido PR-G 153 Augas de Fomiñá, sinalizado en 2011 na Pastoriza (Lugo), forma parte dunha rede de percorridos na Terra Chá.
Neste sendeiros camiñaremos xunto ó río Miño, nun variado percorrido que une as áreas recreativas de Fomiñá e de Baltar.
Zonas húmidas, natureza e auga acompáñannos nesta andaina na que poderemos ver a fermosa contorna, transitar polas pasarelas e visitar Fomiñá, a fonte principal do nacemento do Miño. Tamén gozaremos do interesante Castro de Sa, a ponte vella de Miñoto e a tranquila praia fluvial e área recreativa de Baltar. A dificultade do percorrido é baixa.
Maís info aquí.

PR-G 154 Ruta do Azúmara

Castro de Viladonga
Castro de Viladonga

O percorrido PR-G 154 Ruta do Azúmara, sinalizado en 2011 en Castro de Rei, forma parte dunha rede de percorridos na Terra Chá.

O inicio do percorrido non pode ser mellor: o magnífico Castro de Viladonga.

A dificultade do percorrido é baixa.