Presentación SEGATUR

Sinalización urbana (AIMPE) na Veiga (para sendeiros)

Colocados no Concello da Veiga uns sinais urbanos con información dos accesos para as rutas de sendeirismo homologadas.

Tamén informan do lugar de inicio da ruta preparada para os percorridos con bicicletas todo terreo, arredor do encoro de Prada.

Panel informativo na Veiga

Colocado no Concello da Veiga un panel con información da Rede Etnográfica, do turismo activo e dos centros de visitantes (Pena Trevinca e Centro Apícola de Prada).

Inaugurado Centro de Interpretación Trevinca

APonteNa aldea da Ponte (A Veiga) foi inaugurado o 13/05/2017 o Centro de recepción de visitantes no que foi a Casa-Escola. Información variada sobre fauna, flora e percorridos montañeiros, complementada con rutas sendeiristas de montaña.
Unha aposta do Concello da Veiga a prol do Turismo de Natureza.

Ruta guiada: Muíños do Folón e do Picón

Muíños do Folón

O Rosal: un lugar e un clima únicos.
Camiñando xunto ás primeiras industrias.

Esta pequena ruta fará gozar ó visitante dun atractivo percorrido polos coñecidos muíños do Picón e do Folón, hoxe declarados Bens de Interese Cultural. Estas construcións, situadas dentro deste municipio de fermoso e fragante nome, aséntanse nunhas ladeiras que serven de magnífico miradoiro sobre O Rosal.

Os muíños destacan pola impoñente marabilla de enxeñería tradicional que amosan, así como polo seu aparentemente fráxil equilibrio sobre as costas onde se atopan. Ademais a súa contorna, coidada con esmero, permite ver multitude de especies vexetais especialmente favorecidas pola bonanza do microclima da zona.

Na procura dos antigos sons das moas e dos rodicios, os camiñantes poderán acadar, dende as alturas, unhas magníficas vistas de singular beleza sobre o monte Santa Tegra e sobre o Miño.

As nosas rutas e excursións están dispoñibles todo o ano.
Atendemos a grupos dende un mínimo de 6 persoas.
Prezos especiais para grupos de máis de 15 persoas.
Punto de encontro no Rosal. Outras opcións a consultar.
Duración: 2:30 horas.
Dificultade: baixa.
Prezos: 30€/persoa (de luns a venres). 50€/persoa (sáb., dom. e festivos).
(Seguro e IVE incluídos. Os prezos non inclúen desprazamento nin comida)

Nova web SEGATUR.es

Damos un novo paso nas comunicacións da empresa:
iniciamos unha nova web con páxinas máis seguras (https://), baixo o novo dominio segatur.es e cun formato máis activo.
Pretendemos achegarnos máis ó público en xeral e ós nosos clientes.