PR-G 200 – RUTA DAS LAGOAS GLACIARES DA SERPE E DE OCELO
Sendeiro de montaña
| Ano Homologación: | 2016 | ||
| Punto de partida/chegada: | A Ponte (Concello da Veiga). | ||
| Lugar: | Concello da Veiga (Ourense) | ||
| Servizos: | en Vilanova e na Veiga. | ||
| Accesos: | Dende a Rúa ou dende a Gudiña pola OU-533 ata o Alto do Covelo. Desviarse en dirección á Veiga, proseguir ata Xares e continuar ata A Ponte. | ||
| Puntos de interese: | A Ponte, Lagoa de Ocelo, Lagoa da Serpe, O Fial. | ||
| Máis información: | Concello da Veiga. Telf.: 988 35 00 00 www.aveiga.gal Web turismo Concello da Veiga |
||
| www.aveiga.gal | |||
| IMPORTANTE: | Atención: sendeiro de montaña Mida ben as súas forzas e calcule o tempo necesario para regresar con seguridade. |
||
| Web da Comisión Europea: politica de desarrollo rural e FEADER
|
|||
RECOMENDACIÓNS PARA A RUTA
-
IMPORTANTE: Sendeiro de montaña. Preste moita atención e non se confíe. A ruta está a cotas superiores a 1000 metros e a climatoloxía pode mudar facilmente. Mida ben as súas forzas e calcule o tempo necesario para regresar.
-
É conveniente ir sempre en grupo.
-
Leve de volta tódolos seus refugallos e deposíteos sempre en contedores de recollida selectiva nas poboacións e vilas próximas.
-
Se atopa un valado ou un pechado para animais, por favor, déixeo aberto ou pechado tal como o atopou.
-
Sega os camiños sinalizados evitando pisar noutros sitios ou erosionar outros terreos co seu paso.
-
A natureza ten os seus perigos: por favor utilice o sentido común e sexa precavido.
CONSELLOS NA NATUREZA
-
Non atrape nin moleste aos animais, nin arrinque plantas, pois pode poñer en perigo especies únicas ameazadas así coma outras especies que dependan delas.
-
Non introduza ou estenda especies foráneas ou exóticas: poden ser moi prexudiciais para a contorna e para as especies autóctonas.
-
Evite facer ruído para non espantar aos animais ou molestar a outros visitantes. Se leva mascotas procure que non molesten a outros visitantes, aos animais salvaxes nin ao gando.
-
O lume destrúe moitos anos de vida e de paisaxe. Non prenda lume nin tire cabichas. Procure levar comida fría ou xa preparada.
-
Cando xere lixo, por favor léveo con vostede ata unha zona de recollida selectiva.
-
Non acampe por libre. Utilice os lugares apropiados para acampar.
-
Non acceda con vehículos fóra das estradas e pistas habilitadas para a circulación.
-
Aparque só nas zonas autorizadas e procure non estorbar o paso doutros vehículos.
-
A colaboración de todos é imprescindible para a conservación deste espazo. Goce da natureza con moito respecto e volva a descubrir esta contorna noutras épocas do ano.
DATOS DESCARGA LIBRE
A Ponte é inicio e final deste sendeiro de montaña de trazado circular. A aldea, de pasado gandeiro, ten a súa estrutura concentrada en estreitas rúas e construcións de pedra con cuberta de lousado. Nas fachadas dalgunhas casas sobresaen os fornos onde os seu veciños antigamente facían o seu propio pan.
A senda bifúrcase no lavadoiro e permite ascender, á dereita, cara á Lagoa de Ocelo ou de fronte polas abas do Fial ata chegar á Lagoa da Serpe. Entre ambas lagoas a ruta comparte o seu percorrido co PR-G 201. A Lagoa da Serpe é de orixe glaciario; caracterízase por ser permanente e pola sorprendente situación de a cabalo da divisoria de dous vales. As vistas e a súa localización son os motivos de que sexa un lugar mítico, onde unha “fermosa doncela habita baixo as súas augas convertida en monstruosa serpe agardando que a ceiben do seu terrible feitizo”.