Sendeiros de Galicia para o Turismo Rural
En Santa María de Luou (Teo) realizamos unha intervencións de sinalización dende Chanca ata A Ínsua de 900 m de lonxitude, con bo firme para paseos con coches de bebés.
Visitamos o muíño e pombal das Muiñeiras, o muíño do Inferniño, o muíño Novo, o muíño dos Cornidos, o muíño de Ínsua e o lavadoiro de Ínsua. Un percorrido ideal para primavera e verán, nun entorno rural e natural cheo de gran patrimonio.
A asociación Trevihost, realizou unha sinalización con paneis e publicacións de mapas dos elementos naturais máis destacados de Trevinca. Colocáronse 4 paneis miradoiros (coma o da imaxe) e un panel modelo Eiras. Tamén foron realizados 2 folletos con mapas dos elementos máis característicos desta xeografía.
Co fin de orientar ós nosos clientes, incorporamos unha aplicación para facer estimacións dos custes de crear unha ruta homologada.
Consideren que os resultados son aproximados, xa que as características de cada ruta non poden ser contempladas nun simple formulario.
Para calquera dúbida, contacten con nós nos nosos enderezos electrónicos.
Acceder a orzamentos aquí.
Como sabedes, vivimos nunha crise sanitaria que xera situacións complicadas para todos.
O novo andazo deste pasado Nadal está a deixarnos situacións máis comprometidas que antes. A posibilidade de contacto con persoas enfermas é máis real que nunca e todos, pero especialmente os que temos rapaces en idade escolar ou traballos máis abertos, temos máis opcións para recibir un contacto indirecto.
En SEGATUR tivemos que adoptar medidas para evitar que a enfermidade poida estenderse e obrigarnos a pechar. Polo tanto, ante un confinamento preventivo familiar, debemos reorientar os nosos traballos e reducir os horarios de atención aos clientes.
Así, vémonos na obriga de termos que baixar o ritmo ata que a situación se estabilice e o provisional confinamento preventivo certifique que puidemos acoutar os riscos inmediatos, o que significa que temporalmente tardaremos algo máis do habitual na entrega dos nosos servizos e produtos.
Pero seguimos traballando para ofrecerte seguridade e servizos profesionais, con toda a experiencia no noso mercado.
Tes preguntas? Estamos aquí para resolvelas.
Chámanos aos teléfonos 654165730 ou 886117011, ou escríbenos a info@segatur.com. Responderemos inmediatamente.
Grazas por confiar en SEGATUR.
Agora só nos queda pedirte que te coides para coidarnos a todos.
Una gran aperta
Henrique Freixeiro
Dentro do proxecto de creación dun miradoiro en Valdín (A Veiga), realizouse a sinalización viaria dos accesos ata o novo Centro Astronómico de Trevinca.
Unha ruta accesible, pensada para pais e nais con cativos, que se pode facer co carriño, que ten ligazóns con QR para descubrir moitos vídeos,… unha gozada nun lugar ideal: Pontevea.
Incorporamos os datos correspondentes ó PR-G 204 do Concello de Mañón (ver datos en Galipedia)
Este sendeiro é lineal e goza de fermosas paisaxes xunto ó río Sor. Ver máis aquí.
Colocado o panel informativo da nova área de autocaravanas do Xirimbao, un lugar reconfortante e de feraz vexetación. O río Ulla e a pasarela Mariola son un auténtico espectáculo digno de ver.
Un lugar encantador.
A ruta saudable de Teo está deseñada para facer un percorrido circular que parte de Francos. Unha ruta pensada para gozar mentres adestramos o corpo.
En Francos coincide co Camiño de Santiago portugués.