Autor: segatur

Publicado el

PR-G 147 Sendeiro As Fragas da Ribeira e do Lostegal

PR-G 147
PR-G 147

Nas Pontes de García Rodríguez temos esta impresionante ruta sinalizada en 2011.

Xunto ó río Eume, e alimentadas por numerosos regos, as Fragas da Ribeira e Lostegal mostran a exuberancia dos bosques galegos virxes, envolvidos nun clima húmido e fresco, con moita influencia atlántica.
A característica de estar a cabalo entre os Lugares de Interese Comunitaria (LIC) da Serra do Xistral e o Parque Natural das Fragas do Eume marcan a vitalidade, a cantidade, a variedade e a densidade da flora e fauna.
Ademais da beira do encoro e dos camiños entre os bosques, o visitante pode gozar dende o cumio da Carballeira dunha interesante paisaxe sobre a vila e o lago das Pontes.

Máis info aquí.

Publicado el

PR-G 122 – Camiños do Trega (A Guarda – Prov. Pontevedra)

Mapa PR-G 122Os Camiños do Trega son unha rede de pequenas sendas que permiten achegarnos a este impresionante cumio sobre o río Miño e o océano Atlántico.

Seguindo os seus itinerarios pódese ascender polas súas abas dende a Guarda, dende o barrio da Cruzada ou tamén dende Camposancos, ata visitar o seu afamado castro, a Ermida de Santa Trega, ou as belezas naturais da Pedra Furada e as inigualables panorámicas das que goza en calquera dirección.

A riqueza histórica e paisaxística do lugar ben merece que se coñezan lentamente, facendo sendeirismo tranquilamente e co máximo respecto para este gran legado.

Máis información e descarga de folletos neste enlace.

Publicado el

PR-G 201 Ruta Integral Serra Calva – Pena Trevinca. Traballos de mantemento – Concello da Veiga (Ourense)

SEGATUR realizou esta semana algúns traballos de revisión en varias das rutas do Concello da Veiga.

Lamentablemente atopamos algún sinal estragado e outros, como o da imaxe, que fora «vandalizado». Coma a reparación podía facerse in situ, con materiais de limpeza especiais procedimos a borrar a «pintada».

Nas imaxes pódense ver o sinal antes e despois da limpeza. Recomendamos que os sinais laminados de alta densidade, como o da foto, sexan tratados con produtos adecuados.

Publicado el

Paneis en Trevinca – Trevihost

Panel miradoiro Trevinca
Panel na Mina dos Alemás

A asociación Trevihost, realizou unha sinalización con paneis e publicacións de mapas dos elementos naturais máis destacados de Trevinca. Colocáronse 4 paneis miradoiros (coma o da imaxe) e un panel modelo Eiras. Tamén foron realizados 2 folletos con mapas dos elementos máis característicos desta xeografía.

Funciona gracias a WordPress