Sendeiros de Galicia para o Turismo Rural
Concello da Lama.
Actualizamos os datos da nosa web e incorporamos novamente o sendeiro PR-G 135.
Paisaxes con bidueiros e piñeirais, así como extensións grandes de zonas de pasto para o gando, son as vistas desta senda.
Dende o Miradoiro das Tres Rías, nos días de bo tempo, contémplase unha espectacular panorámica coas tres rías da provincia de Pontevedra.
Tendes máis datos neste enlace:
PR-G 135 – Roteiro da Escuadra
Nas Pontes de García Rodríguez temos esta impresionante ruta sinalizada en 2011.
Xunto ó río Eume, e alimentadas por numerosos regos, as Fragas da Ribeira e Lostegal mostran a exuberancia dos bosques galegos virxes, envolvidos nun clima húmido e fresco, con moita influencia atlántica.
A característica de estar a cabalo entre os Lugares de Interese Comunitaria (LIC) da Serra do Xistral e o Parque Natural das Fragas do Eume marcan a vitalidade, a cantidade, a variedade e a densidade da flora e fauna.
Ademais da beira do encoro e dos camiños entre os bosques, o visitante pode gozar dende o cumio da Carballeira dunha interesante paisaxe sobre a vila e o lago das Pontes.
Os Camiños do Trega son unha rede de pequenas sendas que permiten achegarnos a este impresionante cumio sobre o río Miño e o océano Atlántico.
Seguindo os seus itinerarios pódese ascender polas súas abas dende a Guarda, dende o barrio da Cruzada ou tamén dende Camposancos, ata visitar o seu afamado castro, a Ermida de Santa Trega, ou as belezas naturais da Pedra Furada e as inigualables panorámicas das que goza en calquera dirección.
A riqueza histórica e paisaxística do lugar ben merece que se coñezan lentamente, facendo sendeirismo tranquilamente e co máximo respecto para este gran legado.
Concello de Quiroga.
Actualizamos os datos da nosa web e incorporamos novamente o sendeiro PR-G 141.
Unha ruta esixente e con unha contorna patrimonial e histórica excepcional.
Tendes máis datos neste enlace:
PR-G 141 – Ruta do Ouro e do Camiño Real
Concello de Baleira (Lugo).
Actualizamos os datos da nosa web e incorporamos novamente o sendeiro PR-G 145.
Unha ruta esixente, fermosa e cunha contorna natural de excepcional.
Tendes máis datos neste enlace:
PR-G 145 – Ruta da Marronda – Alto Eo
Concello das Pontes de García Rodríguez.
Actualizamos os datos da nosa web e incorporamos novamente o sendeiro PR-G 203. Unha ruta sinxela, amable e con unha contorna natural de primeira orde. Tendes máis datos neste enlace:
PR-G 203 Senda da Ribeira
SEGATUR realizou traballos de limpeza e mantemento da Ruta do Apego no Concello de Teo.
Algún sinal estragado, houbo de ser recuperado e recolocado, xunto cunha posterior limpeza dos elementos desta senda multimedia para cativos.
Na imaxe, trala nova cementación do sinal, procédese á limpeza do mesmo con produtos adecuados.
Vimos de publicar para o Concello do Rosal uns novos folletos da coñecida ruta PR-G 94 Ruta dos Muíños do Folón e do Picón.
Unha contorna utilizada diariamente por moitos turistas e visitantes polo seu atractivo naturalista, paisaxístico e pola súa declaración como Ben de Interese Cultural.
Colocamos a sinalización dos puntos dos pousadoiros ou «resting place» que o Concello de Teo ven de instalar no trazado do Camiño de Santiago dentro do seu municipio.
Publicados os folletos da senda
PR-G 254 Ruta da Loba da Fada.
O Concello de Vilamartín de Valdeorras publicou con axuda de SEGATUR os folletos desta ruta esixente de 20 km.
Están dispoñibles no Concello e nalgúns establecementos hostaleiros da vila.
Tamén están accesibles máis datos en galego e castelán no seguinte enlace:
https://segatur.es/sendeiros/ourense/prg254/